سلام عليكم ..
اني رسل حسين طالبة هندسة عمارة المرحلة الأولى
حابة اشارك بتحدي ال 29 يوم لأسباب منها ان هندسة العمارة حلمي منذ الطفولة وضل هالشغف عندي لحد محققته ولله الحمد
بقت شغلة ان اني اتعلم اكثر عن العمارة لان اني اواجه صعوبات هواي بهالمرحلة وخصوصا ان حاليا احنا بوقت تحضير للمشروع الاخير واللي يتضمن كل المعلومات اللي درسناها بهالمرحلة ..
الموضوع ان اني بعدني مبتدئة جدا بموضوع التفاصيل تقييماتي جدا ضعيفة 50-70
بهالتحدي حابة على الاقل اركز على اهم المواضيع الخمسة خلال هالفترة بمتابعة مهندسين ،قراءة كتب وتسجيل اللاحظات ، بحث عن المباني بصورة اوسع ،التركيز والصبر بتنفيذ الفكرة والرسومات وبالنهاية اتمنى ان نتائج التعلم هذه تظهر بصورة صحيحة على اللي اطبقه بالموديلات او الرسومات واصير احسن خلال هالايام
ورغم اعرف المشاكل اللي حتواجهني من هسا مثل التعب ،والخلق الضيق ،وافكر ابطل بس راح احاول اتعلم شي من هالايام واتعلم الصبر اكثر واجيب بهالفاينل 85 على اقل تقدير ورغم هي مو بالتقييم بس غالبا اللي يتطبق ويتقيم هو قدرتك على تحقيق الفكرة وقوة التصميم لذلك حنعتبر هذا مقياس كاساس
جدا سعيدة اني هاي اول مرة اشارك بمسابقة لان دائما من مرتضى اتعلم هواي واستمعله هواي حالي حال هواي ناس يحبوه ويثقون بكلامه ومساعدته العظيمة وشكرا لكل فريق الللي شارك بتنظيم هالمسابقة اتمنى كل الخير الكم وبالتوفيق للجميع .
شكرا الكم ع جهدكم .
تعليقات
إرسال تعليق