تحدي ال ٢٩ يوم ❤️!

 مرحبًا  ♥️، 

آني رُسل، قررت أشارك بهالتحدي بسبب مُرتضى 🤍😎

و لأن أحب مجال التصميم والفن وهو بمجال تخصصي فراح يكون مفيد وجديد تعلُّم الألتزام والاستمرارية واطوّر من مهاراتي بالتصميم، التحليل والتنفيذ

و مؤخراً نضافت لقائمتي اللغة الإنگليزية والرياضة 

خلال هالفترة انجزت هواي من اللي جنت مخططتلهم، 

گدرت ارسم ٤ رسومات خلال ٧ ساعات وتعليمي ذاتي بالرسم الحُرّ ،

 داتعلم استخدام البرامج بسرعة كون آني جيدة بس بطيئة وحققت شي جيد نسبيًا ب AutoCad ، 

بموضوع الأفكار ف Pinterest للأطلاع 

هنا بعض روابط الساعدتني

https://t.me/Archcoffee

https://t.me/Arch_Book

https://www.instagram.com/p/CQfQlHiB3hw/?utm_medium=copy_link

https://www.instagram.com/reel/CP5_w2zlKl4/?utm_medium=copy_link

https://instagram.com/archlesia?utm_medium=copy_link

https://instagram.com/only_maquette?utm_medium=copy_link

وبعض الأنجازات 



بالبداية تعبت نفسيا، اذا مرّ يوم بجهد قليل ألوم نفسي هواي بوكتها ردت ابطل من التحدي وانُ خلص اريّح راسي مرتضى بلاني بهالمصايب (حئك عليا يباشا😂)، تأملت هواي ولگيت الضغط يحتاجله راحة المن خلقوا نهاية اسبوع اذا اضل لازم انجز وضغط ومواعيد متخلص؟ رغم شگد نكون مثاليين بشغلنا اللي نگضيه طول الأسبوع نحتاج نتوقف ليومين نگضيها بهدوء نتأمل، نباوع الغروب، نگعد وي أهلنا ، نتعرف على نفسنا اكثر وشنو نريد، وهيج نضاف شي عظيم، تقدير الوقت مو بس بالأنجاز بأن نعيش لنفسنا وهذا وحده انجاز نفسي عظيم، معرفة كل هذا يمكن جان حيكلفني عمر يلا الاحظ، اگدر اعتبر مشاركتي بهالتحدي خلقلي حياة جديدة جنت مملاحظتها، و ماگدر اگول جنت شگد فرحانة وآني اسوي التحدي بعد التأمل الطويل هذا اللي ما على بالي حينضاف لقائمة انجازات ال ٢٩ يوم! 

اگدر اگول حاليًا اني أقوى على التحمل مما بالبداية والطموح اللي بديت بي ديتوسع ديشمل جوانب نفسية ورياضية وثقافية بالأضافة للعملي، 

نگدر نگول انُ الأنسان ينولد مرة ثانية من يتغير وتتجدد ولادته بكل مرة يغير عادة بيها هم، وهيج آني هم نولدت بهالتحدي ورغم مو بالمستوى اللي اريده بس! كُلشي يبدي من الصفر

 اتمنّى بنهاية اتعلم الإستمرارية دائمًا وابطل التكاسل بحجة It's not the perfect time, لأن ماكو وقت مثالي اكو بس وقت انت تخلق الفرصة وتخليها مناسبة هم ومو مثالية، اغلب تعاستنا بسبب سعينا للمثالية المفرطة ومنصبر حتّى، 

اتأمل تتغير عقليتي بقدر انجازاتي هم.. 

واعيش واتعايش والتقي بيك واشكرك.. 

مُمتنة للكثير

للرب اللي رزقنا بيك وبهالفريق اللطيف، لجميلكم وابتسامتكم وحجيكم اللي مليان طاقة واتمنى من الرب يسعدكم على گد متساعدون الناس

، والي لأن حاولت هالمرة ❤️. .

تعليقات

إرسال تعليق

المشاركات الشائعة من هذه المدونة

تحدي ال ٢٩ يوم ❤️!

 السلام عليكم ❤️، آني رسل طالبة معماري شاركت بتحدي ال ٢٩ يوم حتّى ينضاف الي شي جديد اطمح اله طمعًا😎 الا وهو ال"Hold" اعلى تقييم بالشعبة على الأقل بأكثر المجالات المُمكنة رسم هندسي وحُرّ، تصميم من ناحية الفكرة ودقة التنفيذ وشگد اگدر احقق خيالي على الواقع فجنت ارسم، اصمم وبنفس الوقت اطلع هواية من الصفحات اللي فادتني بهالخصوص  من الInstagram : https://www.instagram.com/p/CRD_320sDFi/?utm_medium=copy_link https://www.instagram.com/p/COXldzmraPo/?utm_medium=copy_link https://www.instagram.com/p/CRIXK9IqC3k/?utm_medium=copy_link https://www.instagram.com/p/CRMVxAwLZuY/?utm_medium=copy_link https://www.instagram.com/p/CRJDvbXJFEE/?utm_medium=copy_link https://www.instagram.com/p/CQ5R915M0CZ/?utm_medium=copy_link https://www.instagram.com/p/CQ5R915M0CZ/?utm_medium=copy_link https://www.instagram.com/p/CRE9lu8BgqV/?utm_medium=copy_link https://www.instagram.com/reel/CQ_KAWxgq16/?utm_medium=copy_link https://www.instagram.com/reel/CQ36yKBgNV1/?utm_medium=copy_link https://www.instagra
قراءة المزيد

تحدي ال ٢٩ يوم 💙🌌.

صورة
 اني رسل احب اعرف عن نفسي حسب الغرض اللي اجيت علموده بأني طالبة هندسة معماري مرحلة اولى بداية مشاركتي بهالتحدي جان محاولة لأكسر الجمود اللي بحياتي بفكر ،محاولة وبداية جديدة لمحطة جديدة لشغلة احب اطورها اللي هي دراسة المعماري جان حلم الطفولة وهسا حب اليوم وشغف المستقبل وجان المستوى اللي اسعى ال مثل كل مرة ،الاحتراف..  جنت دائما اشوف الناس الناجحين عبارة عن كتلة من المعجزة او شي مموجود بطبيعتنا كإنس ع سبيل المثال مجنت احس او افكر ان هم تعبوا يلا وصلوا هنا ولا جنت افكر المشاكل اللي واجهتهم جنت دائما متطلعة لمستواهم المهني وهذا اللي خلاني بدائرة احباط جبيرة وتساؤلات لما لا نهاية "ليش اني مو هيج هم ؟" ، هذا الشي اثر على حياتي على مدى ال 15 سنة واكثر بدوامة الانتظار " شوكت تجي اللحظة المثالية اللي اسوي بيها الشي اللي احبه واني سعيدة ومرتاحة وبدون تعب "  محاولت بيوم ان ابدي من نفسي بدون ضغط خارجي كل انجازاتي جانت متتعدى حدود المدرسة لان جنت انجبر على القراية ومع هذا جنت متميزة لان الحلم الوحيد اللى اكدر احققه بوجود المدرسةة هو المعماري غير هيج اني ممسوية اي شي.. حرفيًا.. ا
قراءة المزيد
سلام عليكم .. اني رسل حسين طالبة هندسة عمارة المرحلة الأولى  حابة اشارك بتحدي ال 29 يوم لأسباب منها ان هندسة العمارة حلمي منذ الطفولة وضل هالشغف عندي لحد محققته ولله الحمد  بقت شغلة ان اني اتعلم اكثر عن العمارة لان اني اواجه صعوبات هواي بهالمرحلة وخصوصا ان حاليا احنا بوقت تحضير للمشروع الاخير واللي يتضمن كل المعلومات اللي درسناها بهالمرحلة .. الموضوع ان اني بعدني مبتدئة جدا  بموضوع التفاصيل تقييماتي جدا ضعيفة 50-70  بهالتحدي حابة على الاقل اركز على اهم المواضيع الخمسة خلال هالفترة بمتابعة مهندسين ،قراءة كتب وتسجيل اللاحظات ، بحث عن المباني بصورة اوسع ،التركيز والصبر بتنفيذ الفكرة والرسومات وبالنهاية اتمنى ان نتائج التعلم هذه تظهر بصورة صحيحة على اللي اطبقه بالموديلات او الرسومات واصير احسن خلال هالايام  ورغم اعرف المشاكل اللي حتواجهني من هسا مثل التعب ،والخلق الضيق ،وافكر ابطل بس راح احاول اتعلم شي من هالايام واتعلم الصبر اكثر واجيب بهالفاينل 85 على اقل تقدير ورغم هي مو بالتقييم بس غالبا اللي يتطبق ويتقيم هو قدرتك على تحقيق الفكرة وقوة التصميم لذلك حنعتبر هذا مقياس كاساس   جدا سعيدة ان
قراءة المزيد